Skemmtilegt sumar bíður okkar FH-inga
Sala árskorta og Bakhjarlakorta er ein mikilvægasta fjáröflun knattspyrnudeildar FH. Í ár eins og undanfarin ár verða í boði hin hefðbundnu árskort sem og Bakhjarlakort fyrir þá sem vilja standa þétt við bakið á félaginu.
Leikið verður þétt, þannig framundan eru skemmtilegir tímar þar sem við látum ekki okkar eftir liggja að styðja strákana og stelpurnar okkar. Það er ljóst að það verður takmörkun á áhorfendum í byrjun móts og munu þeir sem eru með árskort og eru Bakhjarlar ganga fyrir á leikina. Nánari útfærsla varðandi framkvæmd leikja verður gefin út þegar styttist í mót.
Bakhjarlakortin verða með aðeins breyttu sniði þetta árið. Í ljósi þess ástands sem hefur verið í gangi í samfélaginu teljum við ekki skynsamlegt að hafa bakhjarla herbergið opið fyrir leik með sama sniði og áður.
